დონაცია მარტივი პროცესია, თუმცა საზოგადოებისათვის უდიდესი მნიშვნელობა აკისრია. ჯამში თითქმის ერთ საათს წაგართმევთ, თუმცა უშუალოდ პროცესი 10-15 წუთი გრძელდება. დონაცია რამდენიმე ნაბიჯით წარიმართება, ესენია: რეგისტრაცია ( ზოგადი და საკონტაქტო ინფორმაცია დონორზე, იდენტობის დამადასტურებელი დოკუმენტი); ჯანმრთელობის ისტორია და ფიზიკური შემოწმება ( უპასუხებთ სამედიცინო და მოგზაურობის ისტორიასთან დაკავშირებულ შეკითხვებს, შეიმოწმებთ ტემპერატურას, სისხლის წნევას, პულსს და ჰემოგლობინის დონეს); დონაცია (საგულდაგულოდ გასუფთავებულ მკლავზე მაგრდება ახალი, სტერილური ნემსი); მოსვენება ( 10-15 წუთს დონაციის კაბინეტში დააყოვნებთ, რათა სხეული ცვლილებას შეეჩვიოს. ამის შემდეგ შეგიძლიათ ყოველდღიური საქმიანობა გააგრძელოთ ცოდნით, რომ სიცოცხლის გადარჩენაში წვლილი შეიტანეთ).

მიიღეთ დიდი რაოდენობით არაალკოჰოლური სითხე; არ დაასველოთ ნანემსარი მეორე დღემდე; არ აწიოთ სიმძიმე; მიირთვით ჯანსაღი კერძები, დაამატეთ რაციონში რკინით მდიდარი პროდუქტები; თუ გრძნობთ თავბრუსხვევას, შეწყვიტეთ რასაც არ უნდა აკეთებდეთ, წამოწექით და ფეხები მაღლა ასწიეთ, სანამ შეგრძნება არ გაივლის; ჩანიშნეთ შემდეგი დონაცია.

დონაციის წინა ღამით კარგად გამოიძინეთ; მიირთვით ჯანსაღი საუზმე; მიიღეთ ბევრი წყალი; შეადგინეთ მედიკამენტების სია, რომელსაც იყენებთ; არ მიიღოთ ალკოჰოლი.